SERIMÓNIA ASINATURA MoU ENTRE TIMOR-LESTE HO REINU CAMBOJA

Timor-Leste hanesan nasaun membru ICAO no ratifika ona Kovensaun Chicago hanesan haktuir iha Resolusaun Parlamentu Nacional ho Nú 12/2004 de 9 de Dezembro, ne’ebé loke dalan hodi hala’o atividade transporte aéreu regular internasional. Durante vizita Sua Excelensia Prezidente Repúblika Timor-Leste Dr. José Ramos-Horta iha nasaun Reinu Camboja, hola parte iha asina Akordu Servisu Aéreu (ASA) entre Governu Repúblika Demokrátika Timor-Leste ho Governu Reinu Camboja ne’ebé monu iha loron 20 Outubru 2022 no atual Ministra Negocios dos Estrageiros e Cooperação S. E. Dra. Adaljiza Albertina Xavier Reis Magno mak reprezenta Governu Timor-Leste hodi asina akordu ho nia omólogu S. E. Dr. Mao Havannall husi Reinu Camboja iha Peace Palace, Phnom Penh, Camboja.

Iha loron 06 Marsu 2023, Governu nasaun rua ne’e kontinua ba asina tan Memorandum of Understanding (MoU) nu’udar implementasaun ba Air Services Agreement (ASA) entre Timor-Leste ho Camboja.

S. E Ministério dos Transportes e Comunicação, Sr.José Agustinho da Silva hato’o “apresia no agradese ba governu Reinu Camboja ne’ebé fó apoiu tomak ba Timor-Leste nu’udar nasaun no membru ba organizasaun regional ASIA. Konektividade Aéreu nu’udar rekizetus ida hodi hakat ba organizasaun rejional ASIA. Ho akordu Asinatura MoU ba implementasaun ASA, Timor-Leste marka tan pasu ida ba oin iha setor aviasaun civil”.

Objetivu husi assinatura MoU refere mak, atu promove konetividade no transporte aéreu regular internasional entre pais rua. Husi MoU ne’e refleta asuntu sira hanesan frekuensia de voo kada semana, diretu tráfegu aéreu hanesan (3rd no 4th Freedom of Air), uza tipu aviaun komersial (Civil) hodi tula pasajeirus ho karga, implementasaun 5th Freedom of Air, charter (charter services), renovasaun akordu, hasa’e no promove kooperasaun seluk relasiona ho transporte Aéreu, aviation safety and security, air traffic services no seluk tan.

Sekretariadu Estadu Ministru Aviation Civil Camboja haktuir, “hau no delegasaun ne’ebé hetan konvite husi S.E Ministru Transportes e Comunicação mai Timor-Leste hodi hala’o akordu asinatura MoU ASA entre nasaun rua, Timor-Leste no Camboja. Ho ida ne’e, ami bele nomeia kompañia aérea lokál hodi halo voo direta mai Timor-Leste no promove ita nia turizmu, li-liu iha Timor-Leste.

Husi akordu ida ne’e, bele hasa’e no promove konetividade transporte aéreu regular entre pais rua, fó mós permisaun no rekoñesimentu ba lisensa personal no operador aérea hodi hala’o operasaun voo internasional, bele sai parte ida hodi hasa’e kompetisaun transporte aéreu iha merkadu hodi kontribui ba dezenvolvimentu ekonomia ho sosial no promove Timor-Leste nia partisipasaun iha setor transporte aéreu internasional. Ikus liu, bele fo seguransa no monitoriza servisu transporte aéreu internasional ida ne’ebe efetivu liu no promove Timor-Leste ne’ebé atualmente hanesan Membru Observador ASEAN nian.