AIR ASIA: Rote Voo Kuala Lumpur Dili-Dili Kuala Lumpur, Sei Hahu iha 7 Maiu 2021

Autoridade Aviação Civil Timor Leste (AACTL) nu’udar Autoridade aviasaun civil ida ne’ebé mak iha papel prinsipal tebes duka ba  termus legais sira halao nia knar fo atendementu hanesan, supervizaun, regulamentasaun, fiskalizasaun ho licenciamentu ba seitor avisaun civil iha Timor-Leste, hodi bele garante nafatin prinsipiu “safety and security” tuir matadalan  Organizasaun Aviasaun Civil Mundial (ICAO).

Tuir dokumentus ne’ebé Diretor Nacional Segunransa Operasional Cornelio de Vasconselho afirma katak, “AACTL halao servisu importante hodi asegura seitor aviasaun liu husi implementasaun estratezia aviasaun civil ho pillar 5 hanesan: 1) Seitor Governativu; 2) Safety and Security; 3) Aeroportuariu no servisu aero-navegasaun; 4) Servisu transporte aero; 5) Kontribui ba dezenvolvimentu socio-ekonomia nasaun nian.

AACTL iha kompetensia hodi emiti lisensa no autorizasaun ba atividade transporte aéro no mos atribui sertifikasaun ho lisensiamentu ba infrastrutura aéroportuarias no navegasaun aéreo. Autoridade ne’e nu’udar orgaun autonomia Administrativa, financeiras e patrimonial,  ida ne’ebé tutela iha Ministério dos Transportes e Comunicação (MTC), VIII Governu Konstitucional Timor-Leste.

Tamba ne’e, duka ba karta Autoridade Aviação Civil Timor Leste, Instituto Públiku, (AACTL,IP) Nu registo 316, husi Kumpañia New International Timor Air Lines (NITA),  – Air Timor datada iha loron 9, fulan Fevereiru, tinan 2021. Duka ba despaxu  Conselho Administrasaun (CA), Autoridade Aviasaun Civil Timor Leste, Instituto Publiku nian, liu husi Diresaun Segunransa Operasional hasai ona aprovasaun voo ba Air Asia  ne’ebé, aluga husi Air Timor, no jere husi kumpañia New International Timor  Air Lines (NITA)  atu halao nia operasaun voo esensial kada fulan ho rote voo entre Kuala Lumpur  Malasya – Dili – Kuala Lumpur Malasya.

 Voo ne’e ho objetivu atu bele fasilita transporta sasan  umanitaria  (Cargos), cidadaun Timor oan sira ne’ebé tama no sai husi Territoriu Nacional Timor Leste, hakarak desloka ba rai liur,  inklui mós trabalhadores essenssial ne’ebé hetan  ona autorizasaun husi Governu Timor Leste liu husi Sala Situasaun  Centro Integradu Gestaun de Krise.

Tamba ne’e, Autoridade Aviasaun Civil Timor Leste hakarak informa mós ba publiku katak, pedidu refere  hetan ona autorizasaun official husi, Ministerio Negocios Estrangeirus no Koperasaun ho Nu. Ref: 145/DNSAO/IV/202, Centro Integradu Gestaun Krise ho Nu: Ref. 06SS-CIGC/IV/2021, Gabinete Ministro dos Transportes e Comunicação entrada Nu: 593, ho Gabinete Ministro dos Transportes e Comunicações ho Despacho Ministerial:172, ho Autoridade Aviasaun Civil Timor Leste, Instituto Publiku, entry Nu:316 tinan 2021.

Liu husi Diretor Nasional of Flight Safety, Auntoridade Aviasaun Civil Timor Leste, Instituto Publiku, fo hatene ba publiku katak loron ne’ebé  Air Asia sei halao nia operasaun Voo hahu husi loron 7 fulan maio 2021- ho oras estimasaun sai husi Kuala Lumpur Malasya 07:25LT/Oras estimasaun  to’o Dili 12:25LT/Oras. No oras estimasaun sai husi Dili 13:55 LT/Oras Estimasaun  too Kuala Lumpur Malasya 17:1OLT.

Iha loron hat fulan Juñu 2021 – Oras estimasaun sai husi Kuala Lumpur Malasya, 07:55LT/Oras estimasaun to’o Aeroporto Internasional Presidente Nicolau dos Reis Lobato  Dili Timor Leste 12:25LT/Oras estimasaun sai husi Aero Porto Dili 13:55LT/Oras estimasaun to’o Kuala Lumpur Malasya, 17:10LT. Autoridade Aviasaun Civil Timor Leste halo ona esforsu maximu atu aslera prosessu Voo Air Line sira iha Territorio Nasional, Regional no Internacional atu bele fasilita liu tan movimento ekonomia Nasional inklui movimenti sector Turismu, maibé? Too ohin loron seidauk bele tamba Pesti At Curtu KOVID-19 maka sei sai desafius no obstaklus boot ba mundu.  (Info: Gabinete AACTL)